Pontevedra, 20 de Outubro de 2007. O Colexio Oficial de Enfermería de Pontevedra denuncia o trato que están a recibir algúns dos seus colexiados, "principalmente na cidade e área de Pontevedra", debido ás listas xerais de contratación. Os enfermeiros reclaman que se revisen certas irregularidades detectadas nos chamamentos do persoal incluídos nas listas. A queixa máis repetida entre os afectados fai referencia a que se lles impide renunciar  aun contrato por motivos persoais, "ainda que os aleguen previamente", e "se lles pasa automaticamente ao final da lista incluso nos 10 días hábiles que ten a comisión para resolver sobre a súa estimación ou desestimación, o cal é totalmente irregular".